ஜெயபாரத்தின் வீட்டுத் திண்ணையில்
வடிவமைக்கப்பட்ட மாட்டுத் தொழுவத்தில்
குழந்தை ஏசுவை பார்க்கப் போனதில்
ஒரு துண்டு கேக் கிடைத்ததால்
கிறிஸ்துமஸ் பிடித்துப் போனது
சித்திரை மாதத்தில் அந்த பத்து நாட்களும்
சித்தப்பாவின் நண்பர் டேவிட் வீட்டில்
அச்சு முறுக்கோடு ஜிப்சிலின் தரிசனமும்
கிடைத்ததால் அன்னை வேளாங்கன்னியின்
சப்பரத் திருநாளும் பிடித்துப் போனது
ஒத்தவீட்டு பக்கீர்முகமதுவின் உயர்ந்த கட்டு
வீட்டிற்குப் போய் அவன் உம்மா கையால்
ஆட்டிறைச்சி குழம்போடு வெள்ளை வெளேர்
இட்டிலி சாப்பிடக் கிடைத்ததில்
இட்டிலி சாப்பிடக் கிடைத்ததில்
பக்ரீத் பண்டிகையும் பிடித்துப் போனது
மணிக்கடையில் வாங்கிய ஓலைப் பட்டாசை
வெடிக்கும் ஆசையிலும் உருளைக் கிழங்கும்
உள்ளியும் கலந்து அம்மா வைக்கும்
குழம்புச் சோற்றோடு சினிமா பார்க்க
நாலணா கிடைப்பதால் தீபாவளி பிடித்துப் போனது
திருமணம் மகள் என்றான புதிய சூழலில்
அவளுக்கான கவுன் அவளுக்கான மத்தாப்பு
அவளுக்கான இனிப்பு என்று வாங்கத் தொடங்கி
இப்பொழுதெல்லாம் களை கட்டத்
இப்பொழுதெல்லாம் களை கட்டத்
தொடங்கி விடுகிறது தீபாவளி.
(நன்றி:தீக்கதிர் வண்ணக்கதிர் 2012 நவம்பர் 11)
